Larunbateko (urriaren 11) hitzaldiak:
Baionako IUT-an, izena aitzinetik emanez 

Izen emate orria hemen

11:30-13:00 : Europan etxebizitza saileko borroken gain begirada

Talde hauetako militanteekin : 

•  Soziale Wärmewende (Berlin)
• Sindicato de Inquilin@s (Madrid)
• Wuune et Carolocataires ensemble (Belgique)
• PAH, Plataforma d’Afectades per la Hipoteca (Barcelone)

Hitzaldiaren laburpena :

Europa osoan, etxebizitzen krisia azkartzen ari da. Etxebizitza  eskasia, turismorako apartamentuen gorakada, higiezinen saileko espekulazioa, merkatuaren araugabetzea: mehatxu horien aitzinean, herritarrak antolatzen ari dira. Alemanian, Espainian, Katalunian eta Belgikan izan diren mobilizazioen lekukotasunek erakutsiko  dute zein diren krisi horren ezaugarri amankomunak Europan gaindi, eta elkarlanean buru egiteko antolaketa moldeei buruz eztabaidatzeko aukera emanen dute.

14:30-16:30 : Etxebizitza: Zein desafio herrietako bozetan? 

Parte-hartzaileak:

• Emmanuelle Cosse, Union Sociale de l’Habitat-eko lehendakaria eta etxebizitza ministro ohia.
• Peio Dufau, Pirinio Atlantikoetako 6. bozka-eremuko diputatua
• Marie Huiban, DAL-eko militantea (Droit au Logement)
• Christophe Robert, Etxebizitza Fundazioaren ordezkari nagusia (Abbé Pierre Fundazio ohia)
• Gaëlle Vincens, Herrian Bizi plataformako kidea
• Soliha Euskal Herriko Jean-Luc Berho lehendakariak animatua

Hitzaldiaren laburpena :

Urte osorako etxebizitzak turismo-apartamentu bihurtzearen kontrako borroka, etxebizitza sozialen sortzea, gazteen etxebizitzen aldeko neurriak, etxebizitza hutsen kontrako borroka, etxebizitzen “matrikula agiria” … Zer baliabide dituzte herriko etxeek eta elkargoetako hautetsiek etxebizitza saileko krisia geldiarazteko? Zenbait hilabete herriko bozak aitzin, hitzaldi hau hautagaiei eta biharko hautetsiei etxebizitza eskubidearen aldeko tokian tokiko ekintza argiak eskatzeko parada ona izanen da.

16:45-18:45 : Alokairuak: egun batez mugatuak, betikotz mugatuak

Parte-hartzaileak:

• Iñaki Echaniz, Pirinio Atlantikoetako 4. bozka-eremuko diputatua
• Jean-René Etchegaray, Baionako auzapeza  eta Euskal Hirigune Elkargoko lehendakaria
• Barbara Gomes, Parisko hautetsia, alokairuen mugatzeaz arduratzen dena
• Malika Peyraut, Alda-ko ko-lehendakaria
• Aurélie Trouvé, Seine-Saint-Denis-ko diputatu eta Frantses Legebiltzarreko gai ekonomikoen batzordeko lehendakaria

Hitzaldiaren laburpena :

Gizarte zibilaren eta hautetsi boluntaristen mobilizazioari esker, alokairuen mugatzea indarrean jarri zen Euskal Herrian 2024ko azaroaren 25ean, alokairuen prezio gorakadaren geldiaraztea ahalbidetzen duena.

Baina neurri hori hexagono osoan esperimentala izanki, 2026ko urte bukaeran desager liteke. Jokoan dena da, beraz, honen ondorioen aztertzea eta kolektiboki gogoetatzea neurri hau nola luzatu eta hobetu.