1 – Alokairuak mugatu
• Ipar Euskal Herriko tentsio eremuko 24 herrietan Informazio kanpaina bat, alokatzailez aldatzean jabeei alokairua goititzea debekatua zaiela jakinarazteko. Jende guziak behar du debeku hori ezagutu.
• Ipar Euskal Herrian alokairuen mugatzea plantan eman behar da, Parisen eta Lille-n jadanik egiten den bezala eta, segur aski laster, Bordelen, Grenoble-n edo Montpellierren eginen den bezala. Legea behar da aitzina joan norabide horretan eta herriek eta hiriguneak ikertu behar dute alokairuen kontrolatzeko baliabide indartsu bat hemen esperimentatzeko parada, legalki onartua den lurralde mailako desberdintze printzipioaren bidez.
2 – Etxebizitza soziala bermatu
• Bizitegi sozialen alokatzeari lehentasuna eman behar zaio.
• Egoitza jabetzarako sarbide sozial-programek sistematikoki bermatu behar dute etxebizitza horiek etxebizitza sozialen multzoan geldituko direla, bereziki BRS bezalako baliabideak lagun, honek eraikina lurretik bereiztea ahalbidetzen duelako, azken hauen balizko saltzea zorrozki kontrolatuz. Etxebizitza sozial bakar batek ere ez du merkatu espekulatiboan bukatu behar!
3 – Etxebizitza hutsak berritu
• Hutsak diren 12 000 etxebizitzen parte adierazgarri bat alokatzeko etxebizitzen merkatuan berriz ezartzeko egiturak eta baliabideak plantan eman.
• «Itxura guzien arabera bazterrera utziak diren ontasun» guzien desjabetzea.
• «Jaberik gabeko ontasunen» zerrenda osoa egitea eta Herriko Etxeek sistematikoki haien berreskuratzea.
4 – Bigarren etxebizitzak gelditu
• Mobilizazio kanpaina herrikoi bat egitea, ekintza herritarrak erabiliz, sortzekotan diren bigarren etxebizitzen gibelarazteko, Herriko Etxeek eta Hirigune Elkargoak bigarren etxe bizitzen kopurua mugatzeko legezko baliabideak (kuotak, bizitzaile estatusa, fiskalitatea, etab.) ukaiteko denboran. Ezin dugu gehiago onartu, urte osoan bizitzeko erabilia den etxebizitza bakar bat bigarren etxebizitza bat bilaka dadin!
5 – Urteko alokatzeak babestu
• Norbanakoei bakarrik zuzenduak zaizkien neurriak, 2020an Euskal Elkargoak hartu dituenak, Airbnb, Abritel, Le Bon Coin edo Poplidays-en turismorako etxebizitza hornituen kopurua mugatzeko, zabaldu behar zaizkie, lehenbailehen, gaur egun dispentsatuak diren legezko pertsonei (SCI edo SARL).
• Neurri berri batzuk, zinez eraginkorrak (turismorako etxebizitza hornitu bat proposatzen den aldi oro, urte osoan beste etxebizitza baten alokatzerat behartzen duen «konpentsazioa» bezalakoak) plantan eman behar dira ahal bezain laster.
Aldaren 5 proposamenak: 5 urgentzia etxebizitzaren krisiari erantzuteko
